Sıngapýrde áleýmettik robottar jasaldy
ASTANA. Shildeniń 18-i. QazAqparat - Sıngapýrdiń ASTAR ǵylym, tehnologııalar jáne zertteýler agenttigi jańa jasalymdaryn usyndy, olardyń ishinde alǵashqy eki Olivia jáne Lucas áleýmettik roboty bar. Bul jańalyqtar Singapore Robocup 2010 dástúrli jarystarynda kórsetildi. Bul týraly jergilikti BAQ habarlady.
Olivia roboty úı qyzmetkeriniń nemese úı hatshysynyń mindetin atqara alady. Sondaı-aq ol mýzykalyq aspaptarda oınaı alady, elektr prıborlaryn baqylaıdy jáne telefon qońyraýlaryna jaýap qaıtarady.
Lucas roboty saıahat júrgizýshi gıd nemese daıashy bola alady. Bul mashına qonaqtardy alyp júredi, ústelge sýsyn jáne taǵam qoıady, tapsyrylǵan aýmaqty torýyldaıdy jáne basqa da jumystardy atqarady.
Eki robot ta óz aldyna áreket ete alady, sondaı-aq qashyqtan basqarylady.
