Sıngapýrde 100 myńnan astam sý janýary bar akvarıým ashyldy

Ol Sentosa dep atalatyn kýrortty aralda ornalasqan áıgili Resorts World Sentosa oıyn-saýyq parkiniń bir bóligine aınalyp otyr, dep habarlaıdy BAQ.KZ.

 Syıymdylyǵy 54,6 mıllıon lıtr bolatyn akvarıýmde 100 myńnan astam sý janýary bar. Olardy Ońtústik-Shyǵys Azııadan, Parsy shyǵanaǵynan jáne ózge de aımaqtardan aldyrtypty. Atalmysh ortalyqqa kirý quny eresekter úshin 24 dollardy qurap otyr.
Akvarıýmnyń eń kóz tartar bóligi - shynydan jasalǵan úlken qabyrǵasy. Onyń uzyndyǵy 35,4 metr, bıiktigi 8 metrden asady. Bul jerde turyp sý janýarlarynyń barlyǵynda baqylaı alasyz. S.E.A. Aquarium sonymen qatar, balalarǵa arnalǵan damytý ınteraktıvti baǵdarlamalaryn da ázirlegen. Ol arqyly akvarıýmdy mekendegen balyqtar jaıynda tolyqqandy málimetter alýǵa bolady.
Akvarıýmmen birge sondaı-aq, bul mańnan akvapark te ashylyp otyr. Demalys ornynda tolqyndy basseın, ózen, syrǵanaqtar bar. Al, júrek jutqan azamattar delfındermen jáne skattarmen birge sýda júze alady.