Sıngapýrda Zıka vırýsyn juqtyrýdyń alǵashqy jaǵdaıy tirkeldi
ASTANA. QazAqparat - Sıngapýrda Zıka vırýsyn juqtyrýdyń alǵashqy jaǵdaıy tirkeldi. Bul týraly Channel News Asia telearnasynan habarlady.
Onyń málimetinshe, naýqas Zıka vırýsyn Brazılııada bolǵanda juqtyrdy. "27 naýryz ben 7 mamyr aralyǵynda San-Paýlda bolǵan Sıngapýrda turatyn naýqasta, 48 jastaǵy er adamda bezgek pen bórtpeler paıda bolǵan. 10 mamyrda ol aýrýhanaǵa jetkizilip, 12 mamyrda karantınge jabyldy", - delingen Sıngapýrdyń Densaýlyq saqtaý mınıstrligi men Qorshaǵan orta boıynsha ulttyq agenttiktiń málimdemesinde.
Qazir Zıka juqtyrǵan naýqastyń týystary tekserilip jatyr, dep habarlady TASS.
Alǵash ret Zıka bezgegi 1947 jyly Ýgandada tirkelgen jáne osy kezge deıin adamǵa qaýipsiz dep sanalǵan. Zıka vırýsyna qarsy ekpe ázirge joq.
