Sıngapýrda koronavırýs karantınin buzǵandar túrmege qamalady

NUR-SULTAN. QazAqparat – Sıngapýr Respýblıkasynyń bıligi Qytaıdan oralǵan azamattar úıdegi karantındi saqtamaǵan jaǵdaıda qoldanylatyn jazany bekitti, dep habarlaıdy Straits Times basylymy Ulttyq damý mınıstri Loýrens Vongtiń málimdemesine silteme jasap.

Jańa ereje shyqqanǵa deıin Qytaıdan oralǵan saıahatshylar 14 kúndik úı jaǵdaıyndaǵy karantındi saqtaýy tıis bolatyn, biraq olarǵa úıinen biraz ýaqytqa shyǵyp ketýge ruqsat berilgen edi.

Zańǵa engizilgen túzetýge sáıkes, endi karantındegi azamattar qandaı jaǵdaı bolsa da ony buza almaıdy. Azyq-túlik, taýar jáne basqa qajet bolǵan dúnıelerin alý úshin tanystarynyń kómegine júginýi qajet.

Karantındik rejimdi buzǵandardy alty aıǵa deıin qamaýǵa alyp, sonymen qatar 10 myń sıngapýr dollary ($7,2 myń.) kóleminde aıyppul salady. Al erejege baǵynbaǵan Sıngapýrdaǵy shetel azamattary jumystan shyǵarylady nemese deportatsııalanady.

Túzetýler jergilikti ýaqytpen búgin, 18 aqpanda 23:59-dan bastap kúshine enedi.