Sıngapýrda Qazaqstanmen dıplomatııalyq qarym-qatynastyń 25 jyldyǵy atalyp ótti
BEIJІŃ-SINGAPÝR. QazAqparat - Sıngapýrdaǵy Qazaqstannyń elshiligi eki eldiń arasyndaǵy dıplomatııalyq qarym-qatynastyń ornaǵanyna 25 jyl tolýyna oraı merekelik qabyldaý sharasyn ótkizdi, dep habarlaıdy «QazAqparat» HAA-nyń Qytaıdaǵy menshikti tilshisi.
Sharaǵa Sıngapýr úkimetiniń, dıplomatııalyq korpýsynyń, bıznes-qurylymdarynyń, mádenı jáne ǵylymı ortanyń, BAQ ókilderimen birge araldaǵy memlekette ómir súrip jatqan Qazaqstannyń azamattary qatysty. Qazaqstandaǵy Sıngapýrdyń elshisi Zýlkıflı Baharýdın keshtiń qurmetti qonaǵy boldy.
Óz sózinde Sıngapýrdaǵy Qazaqstannyń elshisi Úsen Súleımen eki eldiń arasyndaǵy yntymaqtastyqtyń irgetasyn qos memlekettiń kóshbasshylary - Qazaqstan Prezıdenti Nursultan Nazarbaev pen Sıngapýrdyń birinshi Premer-Mınıstri Lı Kýan ıÝ qalaǵanyn atap ótti.
Qazaqstandyq dıplomattyń aıtýynsha, eki memleket barlyq baǵyt boıynsha, atap aıtqanda qytaılyq «Bir beldeý - bir jol» bastamasy aıasynda ekijaqty qarym-qatynasty bekemdeýde zor áleýetke ıe.
Óz kezeginde Qazaqstandaǵy Sıngapýrdyń elshisi Zýlkıflı Baharýdın Qazaqstan qazirgi tańda Sıngapýrdyń Ortalyq Azııadaǵy eń iri saýda-ekonomıkalyq seriktesi bolyp otyrǵanyn, 2017 jyly ekijaqty taýar aınalymy 100 mln AQSh dollarynan asqanyn atap ótti.
Onyń aıtýynsha, eki eldiń arasynda avıahabarlamanyń tezirek jolǵa qoıylýy saýda-ekonomıkalyq qarym-qatynasty damytýda qosymsha serpin bolmaq. Sonymen birge bul qadam Sıngapýrdan Qazaqstanǵa baratyn týrısterdiń sanyn arttyp, eki halyqtyń dostyǵyn nyǵaıtýǵa úles qosary sózsiz.
Sadyq Akıjanov
