Sıngapýrda qazaqstandyq shokolad jaqsy tanymal - elshi Súleımen
ASTANA. QazAqparat - Sıngapýr Eýrazııalyq ekonomıkalyq odaqpen erkin saýda-sattyq júrgizýdi kózdeıdi, dep habarlaıdy QazAqparat tilshisi.
Qazaqstannyń Sıngapýrdaǵy Tótenshe jáne ókiletti elshisi Úsen Súleımenniń aıtýynsha, qazirgi kezde kelissózder júrip jatyr.
«Men ózim erkin saýda-sattyqtyń bastalǵanyn asyǵa kútip júrmin. Sebebi Qazaqstan men Sıngapýr arasyndaǵy qazirgi saýda aınalymy oıdaǵydaı emes. Al Eýrazııalyq ekonomıkalyq odaqpen erkin saýda-sattyqqa jol ashylsa, Ońtústik Shyǵys Azııadan ınvestıtsııalar kóptep kele bastaıdy. Biz de óz taýarymyzdy shyǵara alamyz», - dedi Ú.Súleımen Astanada ótken baspasóz máslıxatynda.
Osy oraıda elshi Vetnam men EAEO arasyndaǵy erkin saýda týraly kelisimniń nátıjesin mysalǵa keltirdi. Sonyń arqasynda Qazaqstan atalǵan memleketke astyq pen alkogol ónimderin kóptep eksporttaı bastady.
«Sıngapýrda salyqtyń kólemi úlken. Al arnaıy kelisimge qol qoıylsa, biz astyqty da, kondıterlik ónimderdi de tasymaldaı alamyz. Aıtpaqshy, ol jaqta bizdiń shokoladymyzdy qatty unatady. Men barlyq dıplomattarǵa taratyp júremin. Sonda da qońyraý shalyp, áıelderine kóbirek ákelýdi suraıdy», - dep atap kórsetti Ú.Súleımen.
