Sıngapýrda Qazaqstan táýelsizdiginiń 30 jyldyǵyna oraı foto kórme ótti

SINGAPÝR. QazAqparat - Qazaqstannyń Sıngapýrdaǵy Elshiligi Sıngapýrdyń resmı tulǵalarynyń, MDIS professor-oqytýshylar quramynyń, sol kelde akkredıttelgen dıplomatııalyq korpýstyń, sondaı-aq qazaq dıasporasy men Sıngapýr jurtshylyǵynyń qatysýymen Sıngapýr menedjmentti damytý ınstıtýtynyń (MDIS) ǵımaratynda Qazaqstan Táýelsizdiginiń 30 jyldyǵyna oraı foto kórme uıymdastyrdy, dep habarlaıdy QazAqparat SІM baspasóz qyzmetine silteme jasap.

Kórmede Qazaqstan, elimizdiń ǵylymı-tehnıkalyq jetistikteri jáne memleketimizdi mekendegen túrli ult ókilderiniń kópqyrly mádenıeti týraly foto-jáne beınematerıaldar kórsetildi.

Іs-sharany ashqan Qazaqstan Elshisi Arken Arystanov memleketimizdiń táýelsizdik jyldaryndaǵy negizgi jetistikteri týraly aıtyp, elimizdegi ózekti saıası jáne ekonomıkalyq reformalarǵa, Qazaqstannyń Sıngapýrmen ekijaqty yntymaqtastyǵynyń barysyna jeke toqtaldy.

Sıngapýrdyń Qazaqstandaǵy Elshisi Zýlkıflı Baharýdın qatysýshylardy aıtýly kúnmen quttyqtap, Ortalyq Azııa óńirindegi kóshbasshy el retinde Qazaqstannyń jarqyn bolashaǵynyń keń perspektıvalaryn atap ótti.

Óz kezeginde, MDIS prezıdenti Erık Kýan Qazaqstannyń jetistikterine tańdanysyn bildirdi, halyqtyń saýattylyǵynyń joǵary deńgeıin atap ótti jáne QR Úkimetiniń eldiń ǵylymı-tehnologııalyq damýyn qoldaý jónindegi sharalaryn atap ótti.