Sıngapýrda endi tek vaktsına alǵan turǵyndar ǵana koronavırýstan tegin emdeledi

NUR-SULTAN. QazAqparat - Germanııada aqpan aıynan bastap alǵash ret koronavırýstan qaıtys bolǵandar sany bir táýlikte 500-den asty, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııasynyń Telegram kanalyna silteme jasap.

Germanııadaǵy pandemııa kezińindegi ólim-jitimniń jalpy sany 104 047-ge jetti. Robert Koh atyndaǵy Vırýsologııa ınstıtýtynyń málimetterine sáıkes, 24 saǵat ishinde koronavırýs ınfektsııasyn juqtyrýdyń jańa 69 601 jaǵdaıy tirkeldi.

Sıngapýr bıligi vaktsınatsııa kýrsyn almaǵan turǵyndarǵa koronavırýsty emdeýge aqy tóleýdi toqtatady. Densaýlyq saqtaý mınıstri On E Kýn habarlaǵanyndaı, koronavırýs ınfektsııasynan saýyǵý qymbat emdeýdi talap etedi, al naýqastardyń basym bóligi vaktsına qabyldamaǵan adamdar. Tegin emdeý 12 jasqa deıingi balalar men medıtsınalyq kórsetkishterine sáıkes ımmýndaýǵa jatpaıtyn azamattarǵa usynylady.

Ýkraına prezıdenti Vladımır Zelenskıı vaktsınatsııa úshin azamattarǵa 1 myń grıven aýdarý týraly Zańǵa qol qoıdy. Shamamen ol 2,7 myń rýblge teń. Ýkraına turǵyndary bul qarajatty 19 jeltoqsannan bastap paıdalana alady. Osy aqshaǵa sportzalǵa, kınoteatrǵa, teatrǵa, murajaıǵa, kórmege barýǵa nemese Ýkraına aýmaǵynda saıahat jasaýǵa bılet satyp alýǵa bolady.