Sıngapýrda Astananyń 20 jyldyǵy atalyp ótti
Sharaǵa Sıngapýr úkimetiniń, dıplomatııalyq korpýstyń, bıznes-qurylymdardyń, mádenı jáne ǵylymı ortanyń, BAQ-tyń ókilderi jáne aral memlekette turyp jatqan Qazaqstan azamattary qatysty.
Qazaqstannyń Sıngapýrdegi elshisi Úsen Súleımen óziniń sózinde Qazaqstan astanasynyń 20 jyl ishinde saıası, ekonomıkalyq jáne mádenı ortalyǵyna aınalǵandyǵyn atap ótti. El ordasy Astana ózin dıplomatııa men beıbitshiliktiń mańyzdy ortalyǵy retinde tanyta bildi.
«Astana memleket táýelsizdiginiń basty brendine, QR Prezıdenti Nursultan Nazarbaevtyń kóregendi saıasatynyń nátıjesine aınaldy»,-dedi ol.
Dıplomat bıylǵy jyldyń shilde aıynyń alǵashqy onkúndiginde Qazaqstan astanasynda úlken merekelik sharalardyń uıymdastyrylatyndyǵyn aıta kele, qabyldaýǵa kelgen qonaqtardy Astanaǵa kelýge shaqyrdy.
