Sıngapýrda alǵash ret gýmanoıd robottar arasynda jekpe-jek ótti
ASTANA. KAZINFORM — Sıngapýrda jekpe-jek sheberleri qashyqtan tikeleı basqaratyn adam tárizdi robottar arasynda eldegi alǵashqy jekpe-jek saıysy ótti. Bul týraly Kazinform agenttiginiń Beıjińdegi menshikti tilshisi The Straits Times basylymyna silteme jasap habarlaıdy.
Mýaı-taı, aralas jekpe-jek, boks jáne kýng-fý sheberleri Katena júıesi men dene datchıkteriniń kómegimen qytaılyq Unitree G1 jáne EngineAI T800 robottaryn óz qolyndaı qozǵaltyp, qashyqtan basqardy.
Júıe basqarýshynyń qımylyn sezip, ony kidirissiz robotqa jetkizip otyrdy. Osylaısha adam basqaratyn avatarlar tujyrymdamasy alǵash ret kópshilik aldynda tanystyryldy. Al saıys bastalmaı turyp, robottar bı jarysyna túsip, kýng-fý ónerin kórsetti.
What a night 🤖🥊 🇸🇬 Singapore, you were LOUD ! Huge love to our fighters, MC, referee, dancers, and everyone who showed up and made the night what it was. ❤️ See you all at the next one 👀 #KATENA #ARCNight #humanoidrobot #singapore #fightnights https://t.co/uBX1A69g1J
— ARC (@ARC_Katena) October 9, 2026
Jekpe-jek kezinde telemetrııa júıesi ár robottyń «densaýlyq» deńgeıin sol sátte basty ekranǵa shyǵaryp otyrdy. Ekranda robotty basqaryp otyrǵan adamnyń beınesi men onyń robot-avatary qatar kórsetildi.
— Bul jolǵy sharany ázirge naǵyz sporttyq báseke emes, jańa tehnologııalyq ıdeıanyń tanystyrylymy dep qabyldaǵan jón. Gýmanoıd robottar dáýiri adamdy mashına almastyratyn kezeń emes, adam men mashınanyń birlese áreket etetin ýaqyty bolýy múmkin, — dedi jekpe-jekti uıymdastyrýshy Antonıo Gaı.
Uıymdastyrýshylar mundaı halyqaralyq sharalardy aldaǵy ýaqytta basqa elderde de ótkizýdi kózdep otyr. Buǵan deıin Unitree G1 robottary Nıý-Iork pen Chıkagoda ótken kórsetilimderge qatysqan.
Buǵan deıin Beıjińde gýmanoıdty robot jartylaı marafonda adamnan jyldam júgirgeni habarlanǵan bolatyn.
