Sıngapýr táýelsizdiktiń 50 jyldyǵyn keńinen atap ótti
ASTANA.QazAqparat - Sıngapýrda táýelsizdik jarııalanýynyń 50 jyldyǵy keńinen merekelendi, dep habarlady Bı-bı-sı.
Mereke qurmetine araldyq memlekette áskerı sherý, otshashý jáne avıashoý uıymdastyryldy. Sherý men onyń ázirligine barlyq bıletter tolyq satylyp ketti.
Elde mereıtoı qurmetine tórt kúndik demalys jarııalandy.
«Bizdiń kishkentaı memleketimizge nebári 50 jyl toldy, biraq ta biz osy jyldary kóp nárselerge qol jetkizdik, - deıdi stýdent ıAn Tsze Lın. - Bıylǵy jyldy sıngapýrlyqtar eshqashan umytpaıdy».
Bıylǵy jyly 1990 jylǵa deıin eldiń premer-mınıstri bolǵan Sıngapýr kóshbasshysy, marqum Lı Kýan ıÝǵa erekshe qurmet kórsetildi. Tańerteńgi saǵat 9-dan bastap televıdenıe men radıodan Lı Kýan ıÝ-diń el táýelsiziginiń deklaratsııasyn oqyǵan jazbasy berildi.
Sıngapýrda búkil qala qyzyl túske malynǵan, ulttyq kıim kıingen júz myńdaǵan turǵyndar halyq serýenine qatysýda. Sıngapýrda tegin kontsertter ótýde, avıashoý, aýqymdy sherý ótti. Televıdenıe men radıo Sıngapýr týraly patrıottyq ánder shyrqaýda.
Sıngapýr 1965 jyly óziniń táýelsizdigin aldy. Premer-mınıstr Lı Kýan ıÝ eldi álemniń baı elderiniń birine aınaldyrdy. Onyń el basqarǵan tusynda el turǵyndarynyń 90 paıyzy óz úılerine qol jetkizdi, halyqtyń jan basyna shaqqandaǵy ІJÓ 56 myń dollarǵa jetti.
