Sıngapýr taǵy da birinshi: Álemdegi eń qymbat 10 qala anyqtaldy

ASTANA. KAZINFORM — Julius Baer bankiniń 2025 jylǵy baılyq pen ómir salty týraly baıandamasyna sáıkes, Sıngapýr úshinshi jyl qatarynan ál-aýqattylar úshin ómir súrý quny eń qymbat qala retinde tanyldy.

Shveıtsarııalyq bank Global Wealth & Lifestyle Report 2025 esebin jarııalap, «qaýipsiz ári joǵary sapaly ómir súrýdi qalaıtyn baı adamdar úshin eń úzdik qalalar» týraly zertteýin usyndy.

Baıandamada aıtylǵandaı, 2025 jyly jahandyq belgisizdik pen tutynýshylardyń saqtyqpen qaraýy tutyný úlgilerine ózgeris engizip, uzaq ómirge jáne premıým-synyptaǵy taýarlar men qyzmetti jetkizýshilerge suranystyń kúrdelenýine ákeldi.

Julius Baer ómir salty ındeksteri álem boıynsha 25 qaladaǵy jaqsy ómir sımvoly sanalatyn 11 taýarǵa (velosıped, avtomobıl, shampan, zergerlik buıymdar, erlerdiń kıimi, turǵyn úı, tehnologııalyq paket, júgirý joly, saǵat, áıelderdiń sómkesi men aıaq kıimi) jáne 9 qyzmetke (bıznes-klasspen ushý, degýstatsııalyq keshki as, medıtsınalyq qyzmet, qonaqúı bólmesi, lazerlik kóz korrektsııasy, advokat qyzmetteri, MBA baǵdarlamasy, jeke mektep, spa) negizdelip saralandy.

Sonymen álemdegi eń qymbat 10 qala tómendegideı:

1. Sıngapýr

2. London

3. Gonkong

4. Monako

5. Tsıýrıh

6. Shanhaı

7. Dýbaı

8. Nıý‑Iork

9. Parıj

10. Mılan

Derekkóz: Julius Baer

Sonymen qatar, Oxford Economics Global Cities Index 2025 deregi boıynsha Almaty Ortalyq Azııadaǵy eń ásem qala dep tanyldy.