Sıngapýr shylym shegýge ruqsat beriletin jasty 18-den 21-ge arttyrmaq
ASTANA. QazAqparat - Sıngapýr bıligi temeki shegýge ruqsat beriletin eń tómengi jas shegin 18-den 21-ge arttyrýdy kózdep otyr, dep habarlady TASS agenttigi.
Densaýlyq saqtaý isteri jónindegi aǵa memlekettik mınıstr Emı Khor bul usynysty parlamenttiń qaraýyna engizdi.
«Bul jasqa jetpegen adamdarǵa temeki ónimderin satýǵa tyıym salynady, onymen qosa, shylymdy saqtaǵany úshin de jaýapkershilik engiziledi», - dedi vedomstvo ókili. Onyń aıtýynsha, «usynylǵan shekteý taıaý birneshe jylda kúshine enýi tıis».
Sıngapýr Densaýlyq mınıstrliginiń 2010 jylǵy derekterine sáıkes, 18-69 jas aralyǵyndaǵy el azamattarynyń jalpy sanynan shylymqorlar úlesi 14,3 paıyzdy quraıdy.
