«Sıngapýr, Shvetsııa»: Almatylyq 300 muǵalim byltyr shetelde taǵylymdamadan ótti
ALMATY. KAZINFORM – Byltyr Almatynyń 6 myńǵa jýyq ustazy shetelde jáne Qazaqstanda taǵylymdamadan ótken. Bul týraly Almaty qalasynyń ákimi Erbolat Dosaev «Digital Kazakhstan: jańa zamandaǵy bilim berý» atty pedagogtardyń qalalyq tamyz sammıti barysynda habarlady.
Almatynyń bilim berý salasyna tıimdi sheteldik ınnovatsııalyq tájirıbeni engizý úshin byltyr 207 mektep, balabaqsha dırektorlary men orynbasarlary jáne bilim berý júıesiniń pedagogtary Ulybrıtanııada, Shvetsııada, Fınlıandııada, Estonııada, Sıngapýrda, Japonııada, Reseıde sheteldik taǵylymdamadan, al el ishinde 5700-den astam ustaz taǵylymdamadan ótken.
Qala basshysynyń aıtýynsha, sheteldik ınnovatsııalyq tájirıbe negizinde Almaty pedagogtary mektepter úshin 117 baǵdarlama men joba jáne balabaqshalar úshin 35 joba ázirledi.
«Muǵalim bilim berýdegi negizgi býyn bolyp qala beredi, sondyqtan basty maqsatymyz - muǵalimderdi qoldaý», – dedi Erbolat Dosaev.
Aıta keteıik, buǵan deıin Almaty mektepterinde muǵalimderge kómekshi retinde jasandy ıntellekt qoldanylatynyn jazǵanbyz.
