Sıngapýr polıtseıine para bergen Qazaqstan azamaty bir aıǵa túrmege qamaldy
ASTANA. QazAqparat - 26 jastaǵy qazaqstandyq Elena Kalýgınany polıtseıge 2150 dollar kóleminde para bermekshi bolǵany úshin 4 aptaǵa túrmege qamady, dep habarlaıdy The Straits Times.
Qazaqstan azamatshasy 28 shilde kúni ınspektor Lo Hýn ıÝege ony tutqynǵa almaýy úshin 2150 dollar AQSh dollaryn usynǵanyn moıyndady. Sot dúısenbi, 17 shilde kúni Elena Kýlagınany 4 aptaǵa túrmege qamaý týraly sheshim shyǵardy.
Okrýgtik sottyń deregi boıynsha, ınspektor Lo Hýn ıÝe men Ksaveniń shtab-serjanty Seo Hýn Ge Royal otelinde boljam boıynsha zańsyz vıza áreketteri týraly habarlamany tekserý úshin Kýlagınanyń nómirine barady. Tergeý kezinde ol bosatýlaryn surap, jalynady jáne bas barmaǵy men suq saýsaǵyn úıkep, ymmen aqsha usynady. Inspektor óz kezeginde paranyń qylmys ekenin eskertip, onyń bul áreketi kameraǵa túsiriletinin aıtady. Alaıda áıel ısharatpen ǵana shektelmeı, nómirdegi jyljymaly jáshikti ashyp, aqsha usynyp, kelesi reıspen úıine ushýǵa ýáde etip, jiberýin ótinedi. Inspektor bul usynystan bas tartyp, ony tutqyndaıdy.
Sottyń shyǵarǵan jazasy jeńil ekeni aıtylady, sebebi mundaı qylmys úshin qazaqstandyqqa 100 myń dollar aıyppul salynyp, jemqorlyq úshin bes jylǵa deıin bas bostandyǵynan aıyrý qaýpi tóngen.
