Sıngapýr parlamenti taratyldy

ASTANA. KAZINFORM — 3 mamyrda Sıngapýrde parlament saılaýy ótedi, dep habarlaıdy CNA.

Seısenbi kúni, 15 sáýirde Sıngapýr prezıdenti Tarman Shanmýgaratnam parlamentti taratty. Jańa kandıdattardy usyný merzimi 23 sáýirge belgilendi.

Aldaǵy parlament saılaýy alǵash ret byltyr mamyr aıynda qyzmetine kirisken premer-mınıstr Loýrens Vongtyń basshylyǵymen ótkiziledi. Sonymen qatar 2024 jyldyń jeltoqsanynda ol «Halyqtyq is-qımyl partııasynyń» (People’s Action Party) bas hatshysy bolyp taǵaıyndalǵan edi. 

2024 jyldyń mamyr aıynda Loýrens Vong Sıngapýrdyń jańa premer-mınıstri atandy. Oǵan deıin bul qyzmetti 20 jyl boıy Lı Sıan Lýn atqaryp keldi. Osylaısha ol el táýelsizdik alǵaly beri tórtinshi kóshbasshy boldy.

Eske salsaq, buǵan deıin Májilis Sıngapýrmen saýdany kúsheıtýge arnalǵan zańdy qabyldaǵany anyqtaldy.

Sonymen qatar, Senat Sıngapýrmen aradaǵy alys-beristiń baj salyǵyn jeńildetetin zańdy maquldady.