Sıngapýr oqýshylardy eńbekpen tárbıelemek
ASTANA. QazAqparat - Sıngapýr Bilim mınıstrligi barsha mektep oqýshylaryna eńbek etý mindetin engizdi. Ókimge sáıkes oqý jylynyń aıaǵynda ár mektep oqýshysy kún saıyn ózine bekitilgen aýmaqty tazalap-jınaıtyn bolady.
Jergilikti BAQ habarlaǵandaı, bul synyp bólmesi, dáliz, ashana jáne t.b. bolýy múmkin. Al oqýshy buǵan shamamen kúnine 10 mınýttan astam ýaqyt jumsaýy tıis. Jańa qaǵıda bastaýyshtan joǵary synyptarǵa deıin - barlyq mektepterge qoldanylady.
Ázirge osy jańalyqqa psıhologtar, pedagogtar qarsylyq bildirgen joq.
Kóptegen mektepter ókimdi resmı jarııalaǵanǵa deıin de kezekshilik kestesin jasap kelgen. Onyń oryndalýyn ózderi saılaǵan top basshysy baqylaıdy. Kezekshilerdiń mindetteri qarapaıym: gúlderdi sýarý, qoqys tógý, synyp bólmeleriniń shańyn súrtý.
