Sıngapýr, Indonezııa jáne Vetnamda Quryltaı saılaýyna daýys berý bastaldy
ASTANA. KAZINFORM — Sheteldegi ýchaskelerde Quryltaı depýtattaryn saılaý jalǵasyp jatyr. Kelesi bolyp Sıngapýr, Indonezııa jáne Vetnamda júrgen Qazaqstan azamattary daýys berýdi bastady, dep habarlaıdy Syrtqy ister mınıstrliginiń baspasóz qyzmeti.
Atalǵan elderdegi saılaý ýchaskeleri Qazaqstannyń dıplomatııalyq ókildikteri aýmaǵynda ashyldy.
Buǵan deıin Ońtústik Koreıa men Japonııada Quryltaı saılaýyna arnalǵan ýchaskeler ashyldy.
Odar ári saılaý ýchaskeler Qazaqstannyń Beıjińdegi elshiliginde, sondaı-aq Shanhaı, Sıan jáne Gonkongtaǵy QR bas konsýldyqtarynda ashylyp, qazaqstandyqtar daýys berýdi bastap ketti.
