Sıngapýr COVID-19 juqtyrýdyń 17 myńǵa jýyq jańa oqıǵasy týraly habarlady

SINGAPÝR. QazAqparat - Sıngapýr bıligi koronavırýs juqtyrýdyń 16 870 jańa jaǵdaıy týraly málimdedi, dep habarlaıdy QazAqparat News CNN-ge silteme jasap.

Elde aýrýǵa shaldyqqandardyń jalpy sany osymen 1 557 648 adamǵa jetti.

Jańa oqıǵalardyń 15 978-i jergilikti, 892-si – syrttan ákelingen. Eldiń Densaýlyq saqtaý mınıstrligi jarııalaǵan statıstıkaǵa sáıkes, jergilikti oqıǵalardyń ishinde 906 jaǵdaı PTR (polımerazdy tizbekti reaktsııa) jáne 15 072 ART (jedel antıgen synaǵy) arqyly anyqtalǵan. Qazir statsıonarda 734 naýqas em alýda, onyń 12-si ıntensıvti terapııa bóliminde jatyr.

Mınıstrliktiń málimetinshe, COVID-19 ınfektsııasy saldarynan úsh adam qaıtys boldy, vırýstan bolǵan jalpy ólim sany 1440-qa jetti.

Dúnıejúzilik densaýlyq saqtaý uıymynyń basshysy álemdi koronavırýstyń jańa shtamdary jıiliginiń artýyna baılanysty maska rejımine jáne jappaı testileýge qaıta oralýǵa úndedi.