Sıngapýr aspanynda erekshe kempirqosaq kórindi
ASTANA. QazAqparat - Sıngapýr turǵyndary sırek kezdesetin tabıǵat qubylysyna kýá boldy: aspanda 15 mınýt boıy erekshe kempirqosaq kórindi, dep habarlaıdy Bı-Bı-Sı agenttigi.
Túrli-tústi shuǵyla aspanda dúısenbi kúni tústen keıingi ýaqytta paıda boldy.
Bul kóldeneń kempirqosaqtyń paıda bolýynan týyndaıtyn atmosferadaǵy sırek optıkalyq effekt, «jalyndy kempirqosaq» dep atalady.
Qubylys belgili bir jaǵdaılarda ǵana kórinedi: kún 58 gradýstan joǵary turǵanda, sharby bulttar ishindegi muz túıirshikteri kóldeneńinen ornalasady. Kún sáýlesi muz krıstalldarynan synady jáne qubylmaly, spektrli bólingen túster paıda bolady.
Balalar ortalyǵynyń qyzmetkeri Fazıda Mohtar erekshe kempirqosaqtyń shamamen keshki beste paıda bolǵanyn málim etti. «Aldymen kishkentaı sarǵysh sheńber paıda boldy, sosyn úlkeıe túsip, ózge túster anyq kórindi», - dedi ol.
