«Sinema Towers» ǵımaratynda bolǵan órt kezinde adamdar terezeden shyqqan
ALMATY. QazAqparat - «Sinema Towers» kınoteatrynda bolǵan órt kezinde adamdar terezeden shyǵýǵa májbúr bolǵan.
QazAqparat tilshisine oqıǵanyń kýágerlerinen suhbat alýdyń múmkindigi týdy.
«Biz osy mańaıda serýendep júrgenbiz. Saǵat 18-30-dar shamasynla «Almaty Towers» ǵımaraty jaqtan qoıý tútindi kórdik. Jaqyndap kelsek, órt bolyp jatyr. Kınoteatrdyń shatyry órtenip jatyr eken. Joǵarǵy qabattaǵy adamdar terezeden sekirip jatty. Qazirgi tańda munda 4 órt sóndirýshi kólik jumys istep jatqanyn kórdik. Kórip turǵandaryńyzdaı tútin áli shyǵyp jatyr. Órtti sóndirýmen áli aınalysyp jatqan bolýlary kerek. Órttiń qyzýy bizge de sezildi»,-deıdi kýágerlerdiń biri Erbol.
Qazirgi tańda Sátbaev pen Baıtursynov kósheleriniń qıylysynan batysqa qaraı qozǵalys toqtatyldy. Baızaqov pen Buqar jyraý kósheleriniń qozǵalysy da shekteldi. Órtenip jatqan ǵımarat qorshaýǵa alyndy.
