Sındzo Abe Japonııa úkimetin taǵy úsh jyl basqaratyn boldy
ASTANA. QazAqparat - Japonııa premer-mınıstri Sındzo Abe Lıberaldy-demokratııalyq partııa basshysy bolyp qaıta saılandy, dep habarlady «VVS» agenttigi.
Ózge úmitkerlerden ótinish túspegendikten, ol bul qyzmetke avtomatty túrde taǵaıyndaldy.
Úmitkerler ózge 20 depýtattyń qoldaýyna ıe bolýy tıis edi, dep jazdy Assoshıeıted press.
Osylaısha, Sındzo Abe partııa lıderi jáne Japonııa premer-mınıstri qyzmetinde taǵy úsh jylǵa qaldy.
Abe úkimet basyna 2006 jyldyń kúzinde kelgen. Alaıda bir jyldan keıin otstavkaǵa ketti. 2012 jyly qaıta partııa tizginin qolǵa alyp, premer-mınıstr atandy.
Abe - Dzıýnıtııro Koıdzýmıden (2001 jyldan 2006 jylǵa deıin premer-mınıstr) keıingi bılikte eki jyldan astam otyra alǵan Japonııa úkimetiniń basshysy.
