Sınaıdyń soltústiginde bolǵan jarylysta 3 adam qaza taýyp, 12 adam zardap shekti
ASTANA. QazAqparat - Mysyrdaǵy Sınaı túbeginiń soltústigindegi El-Arısh qalasynda qonaq úı mańynda seısenbi kúni tańerteń bolǵan jarylys saldarynan 3 adam qaza taýyp, 12 adam jaraqattandy, dep habarlady mysyrlyq telearnadan.
Qaza tapqandardyń ishinde bir polıtseı, jaraqattanǵandardyń ishinde polıtsııanyń toǵyz qyzmetkeri bar.
Polıtsııa aqparatynsha, parlamenttik saılaýdyń ótý barysyn baqylaǵan sýdıalar turǵan qonaq úı mańynda mınalanǵan kólik jaryldy, birneshe ýaqyttan keıin taǵy bir jarylys oryn aldy, dep jazdy RIA Novostı.
El-Arısh qalasy Soltústik Sınaı provıntsııasynyń ortalyǵy. Ol 31 qazanda lańkestik akti saldarynan A321 reseılik jolaýshylar ushaǵy qulaǵan jerden júz shaqyrymdaı jerde ornalasqan.
