«Sınhýa» agenttigi «QazAqparatty» 100 jyldyq mereıtoıymen quttyqtaıdy
«Sınhýa» agenttiginiń prezıdenti Tsao Mınchjao «QazAqparat» HAA» AQ basqarma tóraǵasy Asqar Ýmarovqa quttyqtaý hat joldady.
«QazAqparat» halyqaralyq aqparat agenttigi óziniń 100 jyldyq mereıtoıyn atap ótip jatyr. Men «Sınhýa» aqparat agenttiginiń atynan Sizge jáne QazAqparattyń barlyq qyzmetkerlerin shyn júrekten quttyqtaımyn.
«QazAqparat» agenttigi - Ortalyq Azııadaǵy eń bedeldi jańalyqtar uıymy. Osy júz jyldyq kezeń ishinde QazAqparat agenttigi Qazaqstan men álem tarıhynyń jazýshysy ǵana emes, sonymen birge Qytaı men Qazaqstan arasyndaǵy tatý kórshilik jáne dostyq, sonymen qatar jan-jaqty strategııalyq seriktestik qatynastardyń kýágeri, qatysýshysy jáne nasıhatshysy boldy», delingen quttyqtaýda.
Tsao Mınchjao Qazaqstan men Qytaı – tatý kórshiler, jaqsy seriktester jáne elder arasyndaǵy tatý kórshilik jáne dostyq qatynastardyń úlgisi ekenin atap ótti.
Onyń aıtýynsha, «Sınhýa» aqparat agenttigi men «QazAqparat» agenttigi Qazaqstan men Qytaı arasynda dıplomatııalyq qatynastar ornaǵannan keıin kóp uzamaı tyǵyz jáne dostyq yntymaqtastyq ornatqan.
«2017 jyldyń maýsymynda bizdiń taraptar ózara qarym-qatynasty odan ári tereńdetetin yntymaqtastyq týraly memorandýmǵa qol qoıdy. Men sizdermen ekijaqty yntymaqtastyqtyń tereńdigi men keńistigin alǵa jyljytý úshin jumys isteýge daıynmyn. Men sizben birge ekijaqty yntymaqtastyqtyń tereńdigi men keńdigin alǵa jyljytý úshin, eki halyq arasyndaǵy ózara túsinistikti odan ári ilgeriletý úshin, sondaı-aq «Bir beldeý Bir jol» strategııasyn qurý úshin eki el arasyndaǵy yntymaqtastyqta belsendi ról atqarý úshin jumys isteýge daıynmyn.
«QazAqparat» agenttigi odan ári tabysty damıdy dep senemin! «QazAqparat» agenttiginiń órkendeýin shyn júrekten tileımin! Sizge jáne «QazAqparat» agenttiginiń barlyq qyzmetkerlerine myqty densaýlyq jáne baqyt tileımin!», - dedi «Sınhýa» agenttiginiń prezıdenti Tsao Mınchjao.
