Sımptomy joq naýqastan da aýrý juǵady – ınfektsıonıst dáriger
«13 naýryzdan beri aýrýhanaǵa túsken naýqastardyń 39 paıyzynda sımptom bolmaǵan. Al 36,7 paıyzynda COVID-2019 jeńil formada ótken. Osy eki kórsetkishti qossaq, 70 paıyzdan asyp ketedi. ıAǵnı, esh belgisi joq, jeńil túrdegi aýrýlar 70-75% aralyǵynda bolyp otyr. Sonyń ishinde ortasha dárejede – 20%, aýyr dárejede -2%», - dep atap ótti D. Baesheva Feısbýk jelisinde ótken onlaın suhbatta.
Onyń aıtýynsha, sımptomsyz naýqastar ishinde de ýaqyt óte kele aýrý belgileri paıda bolady.
«Bizdiń esebimiz boıynsha, ýaqyt óte kele sımptomsyz kelgen naýqastardyń 15% - koronavırýstyń jeńil túrine aýysady, keıbiri ortasha túrine, al 3 adam nemese 0,5% - aýyr dárejege aýysqan. Sımptomsyz naýqasty 14 kún baqylaǵannyń ózinde de esh kórinis bolmaýy kerek. Sol adamdy biz «Sımptomsyz naýqas» dep ataımyz. Kóbinese 20-59 jas aralyǵyndaǵy turǵyndardyń aýrýy sımptomsyz jáne jeńil túrde ótedi», - dedi maman.
Ádette sımptomsyz naýqastardyń boıynan 2,3,4-kúnderi aýrý belgileri paıda bolady. Sondyqtan, sıpmtomsyz naýqastar úıge jiberilse de, olardyń densaýlyǵyna monıtorıng júrgiziledi.
«Máselen, ekinshi kúnnen bastap, naýqastardyń 10 paıyzynda dene qyzýy paıda bolǵan. Sonymen birge, jótel, tamaq aýrýy, murynnyń bitelýi nemese ıis sezbeýi baıqalǵan. Jeńil túrde ótetin bolsa, ol adamdardy da úıde emdeımiz. Ol kisilerge esh em kerek emes. Óıtkeni esh klınıkalyq kórinis joq. Biraq, ol kisiler epıdemıologııalyq turǵyda qaýipti. Sımptomdary bar adamdar dene qyzýy, jótel, bas aýrýy sekildi klınıkalyq kórinisteri bolady. Ásirese jótelgen, túshkirgen adamdar asa qaýipti. Olar óz silekeıimen birge vırýsty aýaǵa, qasyndaǵy adamǵa shashyratýy múmkin. Vırýstyń syrtynda maıly qabyrshaǵy bolady, sondyqtan bul vırýs adamǵa jabysqaq bolyp keledi. Qoldy sabynmen jýý jáne spırtpen súrtińiz dep jıi aıtamyz. Sebebi, spırt pen sabyn maıdy eritip jiberedi», - dedi Dınagúl Baesheva.