Sımptomsyz naýqastar úshin karantın merzimi qysqartyldy – Ajar Ǵınııat
«Omıkron» nusqasynan týyndaǵan koronavırýs ınfektsııasynyń taralý jyldamdyǵy men aǵymynyń erekshelikterin eskere otyryp, karantın jáne Ashyqtaǵy mártebeniń ózgerý merzimderi qaıta qaraldy. Sonymen, jaqyn baılanysta bolǵan jáne sıptomsyz naýqastar úshin karantın merzimi 14-ten 10 kúnge deıin qysqartyldy. Bul rette 7 táýlikten keıin PTR-zertteýdiń teris nátıjesi bolǵan kezde karantın aıaqtalady», - dedi mınıstr.
Sonymen qatar onyń aıtýynsha, eger qandaı da bir sebeptermen 7 táýlikke arnalǵan PTR-test tapsyrylmasa, onda karantın testti qosymsha tapsyrýsyz 10-shy kúni aıaqtalady.
«Bul ólshem sharttar Bas memlekettik sanıtarııalyq dárigerdiń shekteý sharalary jónindegi jáne jumys erejeleri men Ashyqtaǵy mártebeniń ózgerýin aıqyndaıtyn qaýlylarynda kórinis tapty»,- dedi Ajar Ǵınııat.
