Sımptomsyz koronavırýs: Naýqastar nelikten aýrýhanaǵa jatqyzylmaıdy

NUR-SULTAN. QazAqparat – Densaýlyq saqtaý mınıstri Alekseı Tsoı sımptomsyz koronavırýsqa shaldyqqan azamattarǵa aýrýhanaǵa jatýǵa nelikten ruqsat berilmeıtinin túsindirdi, dep habarlaıdy QazAqparat tilshisi.

«Koronavırýs ınfektsııasyn belgisi joq kúıde nemese jeńil túrde kóteretin azamattar turǵylyqty jeri boıynsha ýchaskelik terapevtiń baqylaýynda bolatynyn túsiný kerek. Al ınfektsııalyq jáne provızorlyq statsıonarlarǵa COVID 19 aýrýyn ortasha aýyr jáne aýyr kúıde kóterip jatqandar, JRVI-men jáne pnevmonııamen aýyrǵandar jatqyzylady», - dedi Alekseı Tsoı OKQ-da ótken baspasóz máslıhatynda.

Eske sala ketsek, buǵan deıin Alekseı Tsoı Qazaqstanda koronavırýsty jeńil jáne sımptomsyz kóteretin adamdarǵa kóshpeli brıgadalar aqyly qyzmet kórsetetinin habarlaǵan edi.