Sımptomsyz koronavırýs qanshalyqty qaýipti
Dárigerdiń aıtýynsha, sımptomsyz tasymaldaýshylardyń aǵzasyndaǵy vırýs bir-eki aptadan keıin bilinedi. Jaǵdaıy ortasha patsıentterde vırýsty PTR -test úsh aptadan keıin kórsetýi múmkin.
«Búgingi tańda vırýs halyqtyń barlyq tobyna qaýipti. Sımptomsyz túri qaýip múldem joq degen sóz emes. Mundaı naýqastardyń kóńil-kúı jaqsy bolǵanymen, qanynda báribir vırýs bolady. ıAǵnı, ol qorshaǵan ortaǵa belsendi túrde taratady. Dárigerler olardy «sýpertasymaldaýshy» nemese «sýperdıstrıbıýtorlar», – dep ataıdy. Óıtkeni olarda aýrýdyń belgileri bolmaýy múmkin. Basty qaýip osynda. Naýqas az ǵana ýaqyt ishinde birneshe adamǵa juqtyrýy múmkin»,– deıdi Rýslan Imındjanov.
Sımptomsyz naýqastar anyqtalǵan kezde karantındik sharalardy saqtaı otyryp, úı jaǵdaıynda medıtsınalyq baqylaý usynylady.
Koronavırýs ınfektsııasy ımmýndyq júıesi jaqsy jáne densaýlyǵy myqty jastarda sımptomsyz ótedi.
«Men turǵyndardan, ásirese Jańa jyl merekesi qarsańynda aýrýdan barynsha qorǵanýlaryn suraımyn. Áleýmettik araqashyqtyqty saqtaýdy umytpańyzdar. Adam kóp jınalatyn oryndarǵa barmaǵan jón. Maska taǵyp júrýdi ádetke aınaldyratyn ýaqyt keldi. JRVI belgileri bolsa úıden shyqpańyz, dárigerdi úıge shaqyryńyz, koronavırýstyq ınfektsııaǵa arnalǵan PTR analızin tapsyrǵan durys. Ózińizdi oqshaýlaý arqyly balalardy jáne egde jastaǵy otbasy múshelerin qorǵańyz», - dedi dáriger.