SІM Taılandtyń qaýipti aımaqtarynda qalǵan qazaqstandyqtarmen baılanys ornatty
ASTANA. QazAqparat - Taılandtyń qaýipti aımaqtarynda qalǵan Qazaqstannyń 81 azamatymen baılanys ornatyldy. Bul týraly QR SІM baspasóz qyzmetiniń jetekshisi Aıbek Smadııarov aıtty, dep habarlaıdy QazAqparat.
«Qazaqstan konsýly Samýı, Phýket aralyndaǵy iri qonaq úılermen jáne Pattaııa shıpajaılarymen baılanysqa shyqty. Búgingi kúni qaýipti aýdandarda qalǵan Qazaqstannyń 81 azamatymen baılanys ornatyldy. Dıplomattar olarmen turaqty baılanysqa shyǵyp, tótenshe jaǵdaı oryn alǵan jaǵdaıda qalaı áreket etý kerektigin túsindirýde», - dedi Aıbek Smadııarov.
Onyń atap ótýinshe, Taılandtyń demalys aımaqtarynda týrıstik agenttikterdiń kómegine júginbeı óz betterinshe barǵan qazaqstandyq týrıster de kóp.
«Sondyqtan olarǵa da bizdiń dıplomattarmen baılanysqa shyǵýǵa keńes beremiz. Biz birde-bir azamatymyz kómeksiz qalmaýy úshin barlyq kúsh-jigerimizdi jumsaımyz», - dedi QR SІM ókili.
Eske salsaq, buǵan deıin Taılandta tynyǵyp jatqan qazaqstandyqtarǵa abaı bolý eskertilgen edi. Sondaı-aq, elde sońǵy jyldary tirkelmegen qatty daýyl aldyndaǵy tynyshtyq jaıly sol elde demalyp jatqan qazaqstandyqtar aıtqan bolatyn.
