SІM Sırııa kelissózderi Astanada ótetindigine úmitti
ASTANA. QazAqparat - QR Syrtqy ister mınıstrligi Sırııa boıynsha kelissózderge qatysty daıyndyqty júrgizýde, dep xabarlaıdy QazAqparat.
Bul týraly búgin Ortalyq kommýnıkatsııalar qyzmetinde QR Syrtqy ister mınıstriniń orynbasary Erjan Ashyqbaev málim etti.
"Onyń ótetinine úmittenemiz. Barlyǵy jumys barysynda. Qyrýar jumystar atqarylýda. Qandaı da bir jańalyqtar bolǵan jaǵdaıda, sizderge xabar beremiz", - dep jaýap berdi ol osy máselege oraı qoıǵan tilshilerdiń saýalyna.
Bunyń aldynda xabarlanǵanyndaı, 2016 jyly 30 jeltoqsanda Qazaqstan Prezıdenti Nursultan Nazarbaev pen Reseı Prezıdenti Vladımır Pýtın Astanada ótýi tıis aldaǵy kezdesýdi talqylaǵan bolatyn. Kelissózderdi 2017 jyldyń 23 qańtarynda ótkizý josparlanǵan edi. Degenmen búgingi ótken brıfıngte Ashyqbaev naqty merzimin aıta almady.
