SІM Shymkent qalasy men Túrkistan oblysynyń damýyna qoldaý kórsetpek
ASTANA. QazAqparat - Elimizdiń Syrtqy ister mınıstrligi Shymkent qalasy men Túrkistan oblysynyń damýyna qoldaý kórsetetin bolady. Bul týraly QazAqparat SІM baspasóz qyzmetine silteme jasap habarlaıdy.
Memleket basshysy Nursultan Nazarbaevtyń Shymkentke respýblıkalyq mańyzy bar qala mártebesin berý týraly sheshimi tarıhı halyqaralyq mańyzǵa ıe. Bul bizdiń elimizdegi BUU turaqty damý maqsattaryn praktıkalyq júzege asyrýǵa, onyń ishinde iri qazaqstandyq eldi mekenderdiń biriniń qala sharýashylyǵyn tıimdi basqarý, halyqty turǵyn úımen qamtamasyz etý, qalalyq ekologııalyq josparlaýdy jaqsartý arqyly yqpal etedi.
Túrkistan qalasyndaǵy ortalyǵymen Túrkistan oblysyn qalyptastyrý Ortalyq Azııadaǵy aımaqtyq yntymaqtastyqty tereńdetý turǵysynan mańyzdy ról atqarady, óıtkeni oblys keń aımaqtyń ortalyǵynda ornalasqan. Munda mańyzdy temirjol magıstrali «Batys Eýropa - Batys Qytaı» halyqaralyq kólik joly ótedi.
«Ońtústik Qazaqstannyń qalalary kirý týrızmniń tanymal ortalyqtary bolyp tabylady. Bul jerde musylman jáne túrki álemi úshin eń kóne arhıtektýralyq eskertkishteri bar. ıÝNESKO-nyń álemdik mádenı mura obektisi bola otyryp, ejelgi Túrkistanǵa qazirgi ýaqytta týrıstik ınfraqurylymdy nyǵaıtýǵa keń múmkindik ashylyp otyr. Túrkistannyń tarıhtaǵy jáne qazirgi zamandaǵy mańyzdy róli jýyrda 2-3 shildede Astanadaǵy Jibek joly elderi qalalarynyń merleriniń qatysýymen ótetin «Global Silk Road» halyqaralyq forýmy aıasynda talqylanatyn bolady», - delingen mınıstrliktiń habarlamasynda.
Halyqaralyq sarapshylardyń baǵamy boıynsha, Prezıdent N.Á.Nazarbaev aımaqtaǵy kórshi elderge de ıgilik bola alatyn, sondaı-aq Elbasynyń bes áleýmettik bastamalaryn jemisti júzege asyrý úshin jaǵdaı jasaıtyn,
Syrtqy ister mınıstrligi men Qazaqstannyń álem elderindegi dıplomatııalyq ókildikteri aımaqtar arasynda halyqaralyq baılanystardy nyǵaıtýda, tehnologııalar men ınvestıtsııalar tartýda, saýda-ekonomıkalyq jáne mádenı-gýmanıtarlyq yntymaqtastyqty ilgeriletýde elimizdiń oblystary men qalalarynyń ákimdikterine jan-jaqty qolǵabys kórsetýdi jalǵastyratyn bolady.
