SІM sheteldegi stýdentterdiń konsýldyq esepte nelikten tirkelýi kerektigin túsindirdi
ASTANA. QazAqparat - QR SІM resmı ókili Aıbek Smadııarov sheteldegi qazaqstandyq stýdentterdiń konsýldyq esepte nelikten turýy kerektigin túsindirip berdi, dep habarlaıdy QazAqparat tilshisi.
Eske sala ketsek, QR SІM ǵımaratynda ótken baspasóz máslıhatynda Aıbek Smadııarov QR Syrtqy ister mınıstrligi Qytaıda Qazaqstan azamatshasy ıÝlııa Hodevanyń ustalǵanyn habarlaǵan bolatyn. QR SІM málimetine sáıkes, esirtki zattaryn saqtaý jáne taratý kúdigimen Qytaıda ustalǵan qazaqstandyq boıjetken konsýldyq esepte bolmaǵan.
«Sondyqtan, bizdiń konsýldyq qyzmettegiler onyń bar-joqtyǵyn bilmegen. Ol sol jaqta 6 jyl oqyp júripti», - degen edi Aıbek Smadııarov.
«Memlekettik ózara almasý nemese «Bolashaq» baǵdarlamasymen shetelde oqıtyn stýdentter mindetti túrde bizdiń shet elderdegi konsýldyqqa tirkeledi. ıAǵnı, qaı jerde qansha stýdenttiń oqyp jatqany týraly esepti júrgizip otyramyz. Bul jumystyń mańyzy nede? Ózderińiz de biletindeı, birneshe jyl buryn AQSh-ta tornado bolyp, keıbir stýdentterdiń ata-analary SІM-ge qońyraý shalyp, «nelikten meniń balamdy qutqarmaısyńdar» dep shý shyǵarǵan edi. Al sol kezde AQSh-taǵy elshilik eki kún boıy birneshe avtobýs jaldap, stýdentterdi qaýipsiz jerge kóshirýmen bolǵan. Chattar men toptar arqyly stýdentterdi tapqan», - dedi Aıbek Smadııarov QR SІM-de ótken baspasóz máslıhatynda.
Onyń aıtýynsha, AQSh-taǵy tornado kezinde óz aqshasymen oqyp, konsýldyqta tirkelmegen stýdentterdi elshilik qyzmetkerleri bilmegen.
«Al konsýldyq esepte turǵandarǵa konsýldyq birden naqty belgili bir jerde evakýatsııa bolatynyn habarlaǵan. Sol sebepti, qazaqstandyq stýdentter bizdiń shet elderdegi konsýldyq esepke tirkelgeni durys», - deıdi Aıbek Smadııarov.
