SІM men QR-nyń AQSh-taǵy elshiligi qazaqstandyq azamat K.Denıakınge qatysty oqıǵanyń mán-jaıyn anyqtap jatyr
ASTANA. 28 sáýir. QazAqparat - Ústimizdegi jyldyń 23 sáýirinde Vırdjınııa shtatynda Portsmýt qalasynda Qazaqstan azamaty Kırıll Denıakın amerıkandyq polıtsııa qyzmetkeriniń qolynan qaza tapty degen aqparatty alysymen
Syrtqy ister mınıstrligi jáne Qazaqstannyń AQSh-taǵy elshiligi bul qaıǵyly oqıǵanyń mán-jaıyn anyqtaý maqsatynda jedel túrde AQSh Memlekettik departamentiniń tıisti bólimsheleri men Portsmýt qalalyq polıtsııa departamentimen baılanysqa shyqty.
Qazirgi kezde Portsmýt qalalyq polıtsııa departamenti óz qyzmetkeriniń is-áreketiniń zańdylyǵyn anyqtaý úshin tekserý jumystaryn júrgizýde.
Syrtqy ister mınıstrligi men Qazaqstannyń Vashıngtondaǵy elshiligi óz taraptarynan bizdiń azamatymyzdyń ólimine ákelgen bul oqıǵanyń jan-jaqty jáne egjeı-tegjeıli zerttelýin qamtamasyz etýge barlyq sharalardy qabyldaýda. Qazaqstan elshiligi AQSh Memlekettik departamentine arnaıy dıplomatııalyq nota joldady, atalǵan notada oqıǵaǵa baılanysty qazaqstandyq tarap qatty alańdap otyrǵandyǵy jáne tekserý jumystaryn jan-jaqty jáne ashyq júrgizý týraly talaby aıtylǵan. Óz kezeginde Elshilik Kırıll Denıakınniń týystaryna amerıkan tarapynan ótemaqy tóleý máselesi boıynsha jetekshi zańgerlermen keńesýde.
Sonymen qatar, QR-nyń AQSh-taǵy Elshisi Erlan Ydyrysov AQSh Memlekettik departamentiniń joǵary laýazymdy ókilimen áńgime barysynda qazaqstandyq azamattyń ólimine ákelip soqqan oqıǵaǵa baılanysty qatty alańdaýshylyǵyn jetkizip, tergeý jumystaryn qatań túrde zańǵa sáıkes júrgizý týraly máseleni kóterdi. Sondaı-aq elshilik amerıkandyq tarapty zańda kórsetilgen tártipke sáıkes ótemaqy talap etetini jaıynda eskertti.
Qaza tapqan azamattyń anasy Elena Denıakına 27 sáýirde tıisti zańdyq rásimderdi jáne ulynyń denesin otanyna qaıtarý úshin AQSh-qa keldi. Elshilik onymen turaqty baılanysta jáne barynsha kómek kórsetýde. QR SІM Kırıll Denıakınniń denesin Qazaqstanǵa jetkizýge baılanysty shyǵyndardy óteý úshin materıaldyq kómek qarastyrý máselesin sheshýde.
Bul oqıǵa jergilikti BAQ-tarda jarııalanyp, onda Kırıl Denıakın baısaldy, momyn jáne aqkóńil adam retinde beınelengen. Bizdiń otandasymyz jumys jasaǵan «Renessans» qonaq úıiniń qyzmetkerleri «bul habardy estip qatty ókinýdemiz jáne ań-tań bolyp qaldyq»,- dedi, al qonaq úıdiń bas aspazshysy «ol týraly jaman sóz aıtatyn adamdy tabý múmkin emes»,-dep atap ótti.
Syrtqy ister mınıstrligi men Qazaqstannyń Vashıngtondaǵy elshiligi atalmysh qaıǵyly oqıǵany tolyqqandy jáne jan-jaqty tergeý júrgizý maqsatynda erekshe baqylaýǵa alyp otyr.
