SІM: Qazaqstanda «Kaz aid» elderge izgilik kómek kórsetý agenttigi qurylady
Búgin Astanada BUU Damý baǵdarlamasynyń «Ońtústiktiń órleýi: alýan túrli álemdegi adamı progress» atty ǵalamdyq baıandamasynyń aımaqtyq tusaýkeseri barysynda Syrtqy ister mınıstriniń orynbasary Alekseı Volkov osylaı málim etti.
«Qazaqstan salystyrmaly túrde asa qysqa merzim ishinde óńirlik derjavany, qýatty ekonomıkany, halyqaralyq qaýymdastyqta nyq ustanymdy qura aldy. Ekonomıkalyq jetistikter men makroekonomıkalyq kórsetkishter týraly aıta kele, 2017 jyly Qazaqstannyń tabysy joǵary elder qataryna kirigýdi josparlaıtynyn, sol úshin ornyqty damýdyń úlesin óz jaýapkershiligine alýǵa daıyndyǵyn alǵa tartqymyz keledi. Biz gúldený jolynyń da joǵary jaýapkershilikti júkteıtinin bilemiz», - dedi mınıstr orynbasary.
Sonymen qatar, ol QR SІM Almaty qalasynda kópjaqty dıplomatııanyń óńirlik habyn qurý jumystary jalǵasyp jatqanyn habarlady.
«Jyldan jylǵa óńirlik donor rólin belsendi atqaryp kelemiz jáne baqytsyzdyqqa ushyraǵan elderge izgilikti kómek kórsetýdemiz, tipti bizdiń óńirden tys elderge de. Osy tájirıbeni eskere otyryp, damýǵa resmı kómek «Kaz aid» qazaqstandyq agenttigin qurý jumystaryn atqarýdamyz. Bul Almaty qalasyna Vena, Bangkok, Jeneva sııaqty BUU óńirlik ortalyǵy mártebesin berý óńirlik jobalardy masshtabty júzege asýyna yqpal etip, Aýǵanstan men Ońtústik Kavkaz sııaqty elder men aýdandardy damytý orbıtasyna tartýyna áser etedi dep oılaımyz», - dedi », - dedi A.Volkov.
