Sım-kartalardy satyp alý kezinde bıometrııalyq sáıkestendirý jasalady

ASTANA. KAZINFORM — Elimizde sım-kartalardy satyp alý kezinde bıometrııalyq sáıkestendirý júıesi engizilip jatyr.

биометрия
Фото: istockphoto.com

Bul týraly Úkimet otyrysynda QR tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.

— Jańa sım-kartalardy satyp alý kezinde bıometrııalyq sáıkestendirý engizilip jatyr. Sım-kartalardy úshinshi tulǵalarǵa zańsyz berý jáne simbox-tardy zańsyz paıdalaný jaǵdaılaryna qatysty jaýapkershilik kúsheıtilýde, — dedi mınıstr Úkimet basshysynyń saýalyna jaýap bere otyryp.

Spıker sondaı-aq alaıaqtyqqa qatysty zań normalarynyń da kúsheıtilip jatqanyn atap ótti.

— Jeke derekterdi qorǵaý talaptaryn buzǵany úshin zańnamalyq talaptar kúsheıtilýde. Alaıaqtardyń áreketin shekteıtin birqatar norma usynyldy. Ol Parlament depýtattarynyń qaraýynda. Osy baǵytta jumystar jalǵasyn tabady, — dedi ol.

Osyǵan deıin Qazaqstanda bir qolǵa beriletin SIM-karta sanyn shekteıtin zań ázirlenip jatqany málim boldy.

Сейчас читают