SІM demalys maýsymynda shetelge shyǵýshylar úshin jadynama ázirledi
ASTANA. 9 shilde. QazAqparat - Qazaqstannyń Syrtqy ister mınıstrligi jazǵy demalys maýsymynda shet elderge demalysqa barýshylardy saqtyqqa shaqyrady.
Bul týraly búgin ótken brıfıng barysynda QR SІM resmı ókili Altaı Ábıbýllaev málimdedi.
«Demalys maýsymy qyzǵan qazirgi shaqta biz shetelge shyǵatyn barlyq otandastyrymyzdyń nazaryn Syrtqy ister mınıstrliginiń usynymdaryna aýdarǵymyz keledi. Biz qazaqstandyq týrıster úshin jadynama daıyndadyq. Bular barlyq týrıstik kompanııalarda, áýejaılarda, kóshi-qon bólimshelerinde bolady», - dedi brıfıng barysynda resmı ókil.
Jadynamada azamattardyń shet elderge saıahat kezinde qıyndyqtarǵa tap bolmaýy úshin qarapaıym keńester men nusqaýlyqtar berilgen. Bul el azamattarynyń sheteldegi saparyn qaýipsiz ótkizýge kómektesetin bolady.
«Shetelge shyǵýshylarǵa bizdiń elshilikterdiń baılanys telefondaryn jazyp alýlaryna keńes beremiz. Konsýldyq esepke turý mindetti, bul fors-major jaǵdaılarynda bizdiń konsýldyq qyzmetkerleriniń azamattarmen jedel baılanysýyna kómektesedi. Saqtandyrýdyń bolǵany da mańyzdy», - deıdi ol.
