SІM basshysy sheteldik jumys kúshine kvota begileýdiń jańa tártibin túsindirdi

NUR-SULTAN. QazAqparat – QR Premer-Mınıstriniń orynbasary - Syrtqy ister mınıstri Muhtar Tileýberdi sheteldik jumys kúshine kvota belgileýdiń tártibine engizilgen ózgerister týraly máimet berdi, dep habarlaıdy QazAqparat tilshisi.

«Adamı kapıtaldyń sapasyn jaqsartý sheńberinde halyqty jumyspen qamtýǵa jáne azamattardy kásipkerlikke tartýǵa baǵyttalǵan «Eńbek» memlekettik baǵdarlamasy iske asyrylýda. Baǵdarlamanyń negizgi mindeti eńbek naryǵynyń qajettilikterin eskere otyryp, kadrlar daıarlaý bolyp tabylady», - degen Premer-Mınıstrdiń orynbasary sheteldik jumys kúshin tartý tártibin jetildirý maqsatynda 2020 jyly «Kóshi-qon týraly» Zańǵa ózgeris engizilgenin eske saldy.

««Kóshi-qon týraly» Zańǵa sheteldik jumys kúshiniń eńbek qyzmetine ruqsat alý rásimderin retteý boıynsha túzetýler engizildi. Zańda eki jáne odan da kóp óńirlerdiń aýmaǵynda áreket etetin sheteldik qyzmetkerlerdiń eńbek qyzmetine ruqsattar berý, sondaı-aq sheteldik jumys kúshi úshin kvotalar belgileý kezinde ekonomıkalyq qyzmet túrlerin jáne sanattar boıynsha bólýdi alyp tastaý kózdelgen. Sheteldik jumys kúshin tartýǵa kvota belgileý jónindegi ókilettikter Úkimetten Eńbek jáne áleýmettik qorǵaý mınıstrligine berildi», - dedi Muhtar Tileýberdi Sheteldik ınvestorlar keńesiniń otrysynda.