SІM basshysy Nazarbaevtyń shıelenisterdi retteýdegi rólin atap ótti
MÁSKEÝ. QazAqparat - Qazaqstannyń Syrtqy ister mınıstri Qaırat Əbdirahmanov Reseıdiń Syrtqy ister mınıstri Sergeı Lavrovpen ótkizgen kelissózderdiń qorytyndysy boıynsha ótken baspasóz məslıhatynda elimizdiń birqatar tıimdi bastamalary týraly aıtty, dep habarlaıdy QazAqparat.
Atap aıtsaq, Syrtqy ister mınıstri belgili bir sebepterge baılanysty bólinip ketken Islam əlemin jaqyndatýdaǵy Qazaqstannyń bastamalaryna toqtaldy.
Sondaı-aq, mınıstr Qazaqstan Prezıdenti Nursultan Nazarbaevtyń Reseı men Túrkııa arasyndaǵy qarym-qatynasty qalpyna keltirýdegi rólin erekshe atap ótti.
«Reseı Federatsııasy men Túrkııa Respýblıkasy ortaq til tabysa aldy. Bizdiń eki seriktes eldiń til tabysý protsesindegi Qazaqstan Prezıdenti Nursultan Nazarbaevtyń rólin ózińiz de bilip otyrsyz», - dedi Q.Əbdirahmanov S.Lavrovpen əńgimelese otyryp.
Budan ózge, Q.Əbdirahmanov Qazaqstannyń ózge de beıbit bastamalaryna toqtalyp ótti.
