SІM basshysy AQSh delegatsııasy men Frantsııa elshisin qabyldady
ASTANA. QazAqparat - Qazaqstan Respýblıkasynyń Syrtqy ister mınıstri Qaırat Ábdirahmanov Qazaqstanǵa Sırııa jónindegi Astana protsesterine baqylaýshy retinde qatysý úshin kelgen AQSh Memlekettik hatshysynyń Taıaý Shyǵys isteri jónindegi kómekshisi Devıd Satterfıldpen kezdesti. Bul týraly «QazAqparat» HAA QR SІM baspasóz qyzmetine silteme jasap habarlaıdy.
Kezdesýde taraptar oqıǵalardyń damýy men Sırııadaǵy qaqtyǵystardy retteý joldaryn talqylap, Taıaý Shyǵystaǵy jaǵdaıǵa qatysty pikir almasty. Mınıstr Qazaqstan Prezıdenti Nursultan Nazarbaevtyń ıslam elderiniń arasyn jaqyndatýǵa kóp kúsh salyp jatqany, IYU-nyń Ǵylym jáne tehnologııalar boıynsha sammıti, Eýrazııadaǵy ekonomıkalyq baılanystardy nyǵaıtý jáne Qazaqstannyń ishindegi jańǵyrtý protsesteri týraly áńgimeledi. 
Qaırat Ábdirahmanov, sondaı-aq, Qazaqstandaǵy dıplomatııalyq mıssııasyn aıaqtaǵan Frantsııa elshisi Frensıs Etendi qabyldady. Mınıstr frantsýz dıplomatyna tabysty qyzmeti úshin alǵys bildirip, Prezıdent N.Á. Nazarbaevtyń atynan Qazaqstan men Frantsııa arasyndaǵy yntymaqtastyqty damytýǵa qosqan úlesi úshin «Qazaqstan Respýblıkasynyń Qurmet gramotasyn» tapsyrdy.
