SІM Bakýde apatqa ushyraǵan kemeniń Qazaqstanǵa tıesili ekendigin teriske shyǵarady
ASTANA. 18 aqpan. QazAqparat - QR Syrtqy ister mınıstrligi birqatar BAQ taratqan Ázirbaıjanda apatqa ushyraǵan kemeniń Qazaqstanǵa tıesili ekendigin teriske shyǵarady.
Bul týraly SІM resmı ókili Altaı Ábıbýllaev habarlady.
«Birqatar otandyq jáne sheteldik BAQ-ta dáıeksiz ári burmalanǵan aqparattyń jarııalanýyna baılanysty mynany habarlaımyz: Bakýdegi Qazaqstan Elshiliginen alynǵan aqparatqa sáıkes, Ázirbaıjannyń Memlekettik teńiz basqarmasy 2012 jylǵy 16 aqpanda Bakýdyń Hataın aýdany aýmaǵyndaǵy «Zyh» portynda jarylǵan «Sana» balyqshylar kemesi qazaqstandyq emes. Sondaı-aq jarylystyń saldarynan japa shekkender men qaza bolǵandar arasynda da Qazaqstannyń azamattary joq», - delingen resmı ókil A. Ábıbýllaev taratqan aqparatta.
Toqtala ketetin jaıt, aldyn ala málimetter boıynsha Bakýdegi keme jarylysy elektrmen dánekerleý barysynda oryn alǵan kórinedi. Ázirbaıjannyń quzyrly organdary oqıǵa ornynda tergeý júrgizýde.
