SІM Asylbek Mýsın óliminiń mán-jaıy týraly aıtty
ASTANA. QazAqparat - Qazaqstannyń Syrtqy ister mınıstrligi Asylbek Mýsınniń qaza bolý mán-jaıy týraly aıtty, dep habarlaıdy QazAqparat.
«Qazaqstan azamatynyń qaza tabý faktisi boıynsha Rıga qalasynyń polıtsııa bólimshesi qylmystyq is qozǵap, tergeý amaldaryn bastady. Olar qaıǵyly jaǵdaıdyń neden bolǵandyǵyn anyqtaıtyn bolady. Keshe Rıgaǵa kelgen qaza bolǵan azamattyń aǵasy Qazaqstan konsýlymen birge sot-medıtsınalyq saraptamalyq ortalyǵyna baryp, Asylbek Mýsınniń múrdesin tanydy», - dedi QR SІM baspasóz qyzmetiniń jetekshisi Ánýar Jaınaqov.
Onyń aıtýynsha, qaıǵyly oqıǵa 22-sinen 23-shi jeltoqsanǵa qaraǵan túni bolǵan, is 22 jeltoqsan kúni saǵat 23-42-de tirkelgen.
Polıtsııa málimetinde, Asylbek Mýsın 15 qabattan terezeden qulaǵan.
«Asylbek Mýsın Qazaqstan Elshiliginde konsýldyq esepte turmaǵan. Keıbir málimetterge sáıkes onyń Rıgada turýǵa yqtııar haty bolǵan», - dedi ol.
Eske sala keteıik , biz buǵan deıin QR Prezıdenti Ákimshiliginiń burynǵy basshysy Aslan Mýsınniń uly Asylbek Rıgada ómirden ozǵandyǵy týraly habarlaǵan bolatynbyz.
