SІM: Adamzat tarıhyndaǵy zalymnyń birine arnalǵan bul jýrnaldyń shyǵýyn orynsyz dep sanaımyz
ASTANA. QazAqparat - Adamzat tarıhyndaǵy eń qanisher zalymdardyń birine arnalǵan bul jýrnaldyń shyǵýyn múldem orynsyz jáne óreskel jaıt dep sanaımyz. «Ańyz adam» jýrnalyndaǵy Gıtler týraly aqparatqa qatysty QR Syrtqy ister mınıstrliginiń baspasóz qyzmeti óz túsiniktemesinde osylaı dedi.
Resmı organ taratqan málimdemeniń tolyq mátini tómende kórsetilgen:
«Bul mıllıondaǵan adamdardyń, ásirese fashızmge qarsy qaısarlyqpen kúresken, otanymyzdy jan túrshiktirgen gıtlerlik mashınadan qorǵaǵan Uly Otan soǵysy ardagerleriniń jáne soǵys alańynda qaza tapqan jaýyngerlerdiń sezimderi men jadyn jábirleýshilik dep bilemiz.
Qazirgi tańda Qazaqstannyń quzyretti organdary atalǵan jýrnaldyń mazmunyna qatysty Qazaqstan Respýblıkasynyń Konstıtýtsııasy men zańnamalaryna qarama-qaıshylyǵy turǵysynan zańdy baǵa berýmen aınalysýda, sonyń nátıjeleri boıynsha qorytyndylar shyǵarylyp, tıisti sharalar qoldanylatyn bolady.
Atalmysh basylymnyń shyǵýyna baılanysty Reseı Federatsııasynyń Qazaqstan Respýblıkasyndaǵy Elshiliginen nota kelip tústi, oǵan jaýap dıplomatııalyq arnalar arqyly joldanatyn bolady».
