Silk Way jáne CGTN telearnalary birlesken baǵdarlamalar kórsetedi

ASTANA. KAZINFORM - Osyǵan deıin eki telearnada Astana men Beıjiń arasyndaǵy telekópir kórsetildi. Onda júrgizýshi mamandar sarapshylarmen birge Qazaqstan men QHR arasyndaǵy ekijaqty yntymaqtastyqty damytýǵa qatysty ózekti máselelerdi, sondaı-aq ShYU sammıtiniń aldaǵy kún tártibin talqylady.

Endi 2 shilde kúni saǵat 10:10–da telearnalar kórermeni ShYU sammıti qarsańynda ShYU aıasyndaǵy yntymaqtastyq, sondaı-aq Uıymǵa múshe qos el — Qazaqstan men Qytaı arasyndaǵy ekonomıkalyq ózara is-qımyl taqyrybyna arnalǵan tok-shoýdy tamashalaıdy. Tok-shoý qonaqtary — AÓSShK Bas hatshysy Qaırat Sarybaı, «Kazakh Tourism» UK» AQ basqarma tóraǵasy Qaırat Sádýaqasov, Nazarbaev ýnıversıtetiniń professory Djııang Dong jáne Tegeran ýnıversıtetiniń professory Mohammad Marandı boldy. Baǵdarlamany Aınur Imanǵalımen birge Qytaıdyń tanymal jýrnalısi Tıan Veı júrgizdi.

Sonymen qatar, Silk Way jáne CGTN tilshileriniń arnaıy jańalyqtar blogy eki telearnada da kórsetiledi. Dáýren Isaǵulov pen Chen Tong Qytaı men Qazaqstannyń saýda-ekonomıkalyq, dıplomatııalyq jáne bilim berý salalaryndaǵy yntymaqtastyǵy týraly áńgimeleıdi. Baljan Samıgýllına men Dong Shýe aldaǵy ShYU sammıtiniń kún tártibin egjeı-tegjeıli baıandaıdy.

Aıta ketsek, Silk Way — Qazaqstannan tys jerde habar taratatyn tuńǵysh halyqaralyq spýtnıktik telearna. «QR Prezıdenti teleradıokesheni» quramyna kiredi. Telearnany 118-den astam elde kórýge bolady. Habar 6 tilde taratylady: qazaq, orys, aǵylshyn, qyrǵyz, ózbek, túrik.

SGTN — Qytaı Halyq Respýblıkasynyń jahandyq televızııalyq jelisi. Ol álemniń 160-tan astam eli men aımaǵynda habar taratady.