Silk Way telearnasy Ázerbaıjan Prezıdentiniń Qazaqstanǵa saparyn tikeleı efırden kórsetedi
ASTANA. QazAqparat – Ázerbaıjan Prezıdenti Ilham Álıev búgin Memleket basshysy Qasym-Jomart Toqaevtyń shaqyrýymen Astanaǵa keldi. Qazaqstan men Ázerbaıjan basshylarynyń shaǵyn jáne keńeıtilgen quramdaǵy kezdesýleri josparlanǵan, dep habarlaıdy QazAqparat.
Kelissózderdiń kún tártibinde Qazaqstan-Ázerbaıjan strategııalyq áriptestigin damytýdyń negizgi máseleleri bar.
Ilham Álıev kortejiniń Aqordaǵa kelýi men onyń Qasym-Jomart Toqaevpen kezdesýin Silk Way arnasynyń tikeleı efırinde saǵat 14.50-de Álemdik ekonomıka jáne saıasat ınstıtýnyń saıasattanýshysy Ersultan Janseıitov pen Jibek Joly telearnasynyń júrgizýshisi Aınur Imanǵalı aǵylshyn tilinde aqparat taratady.
