Silk Way Star jobasynyń qatysýshylary Qazaqstandy Konstıtýtsııa kúnimen quttyqtady
ASTANA. KAZINFORM — Ortalyq Azııa, Kavkaz jáne Qytaı elderinen kelgen oryndaýshylar — iri mýzykalyq jobanyń qatysýshylary «Silk Way Star» — Astana qalasy boıynsha qyzyqty ekskýrsııa jasady, dep jazdy Kazinform tilshisi.
Mádenı baǵdarlama aıasynda Azııa elderinen kelgen qonaqtar Qazaqstannyń ulttyq dástúrimen, rámizderimen jáne rýhymen tanysty. Ekskýrsııa barysynda qazaq mádenıetiniń elementteri — «Jeti qazyna» rámizderi, patrıottyq ánder men dostyqqa toly jyly qarym-qatynas qatar júrdi.
Astanadaǵy eń bıik tý tuǵyrynda halyqaralyq Silk Way Star jobasynyń qatysýshylary Qazaqstan halqyn Konstıtýtsııa kúnimen jáne Ata Zańnyń 30 jyldyǵymen quttyqtady.
Tolyǵyraq — Aǵıbaı Aıapbergenovtiń fotoreportajynda.
Eske sala keteıik, «Silk Way Star» — Azııa mýzykasynyń úni. Bul — Azııa memleketteri arasynda alǵash uıymdastyrylǵan mýzykalyq baıqaý.
«Silk Way Star» — franshıza emes, otandyq mamandardyń medıa ónimi.
Osy baıqaýda Qazaqstan atynan qatysyp jatqan Alem «Men úshin bul úlken mártebe» degen edi.
25 tamyz kúni Beıjińde ShYU-nyń gýmanıtarlyq almasý-2025 boıynsha «Úılesimdilik pen birlik: bolashaqty birge jasaımyz» forýmy ótti. Forýmda «Silk Way Star» halyqaralyq mýzykalyq shoýynyń ashylý saltanaty ótti. Bul QR Prezıdenti TRK men Qytaı CMG medıa korporatsııasynyń birlesken jobasy ekenin eske slamyz.
