Silk Way Star jobasynyń fınalyna otbasymmen birge daıyndalyp jatyrmyn – ıAzmın Azız

ASTANA. KAZINFORM — Silk Way Star megajobasynyń fınalısi, malaızııalyq ánshi ıAzmın Azız Jibek Joly telearnasynyń «Búgin LIVE» baǵdarlamasyna qatysyp, jobadaǵy daıyndyqtary men qazaq tilinde án oryndaý tájirıbesi týraly aıtty.

Ánshi fınalǵa tolyq daıyn ekenin, 10-shy fınaldy epızodty asyǵa kútip otyrǵanyn jáne jıýrı men kórermenniń baǵasyn alǵysy keletinin jetkizdi.

- Eń birinshi fınalda meni qoldaýǵa otbasym keldi. Anam, ákem jáne súıiktim meni birinshi bolyp qoldap otyrǵan adamdar. Olar fınalǵa daıyndalyp júr. Ákem úshin bul Qazaqstanǵa birinshi sapar boldy. Astana olarǵa qatty unady, tipti biz birge Báıterekke birneshe ret bardyq. Qashan bolmasyn qoldaý kórsetkenimen, men olardyń qobaljýyn sezemin. Sonymen qatar Fılıppın men Malaızııadan da qoldap jatyr. Instagramda kóptegen malaızııalyqtar maǵan qoldaý bildirýde, – dedi ıAzmın Azız.

Sondaı-aq ánshi Silk Way Star jobasynyń ótken shyǵarylymynda qazaqtyń belgili kompozıtory Súgirdiń termesin oryndaǵan sebebin túsindirdi.

– Men buryn qazaqsha án aıtpaǵandyqtan, bul ándi kúrdeli dep oıladym. Maǵan osy ándi aıtyp kóresiń be dep keńes berdi. Dombyra úni shyqqanda denem titirkep ketti. Bul án shyn máninde kúrdeli, biraq ózimdi synap kórgim keldi. Dombyranyń únin estigende bul án meniki ekenin túsindim. Sol sátten bastap men ózime basqa tilde de án aıta alatynymdy dáleldedim, – dedi ıAzmın Azız.

Eske sala keteıik, Silk Way Star án baıqaýynyń fınalısteri anyqtaldy.