Silk Way Star jobasyna fılıppındik TikTok juldyzy keldi
ASTANA. KAZINFORM — 14 mıllıon kórermeni bar TikTok juldyzy Qazaqstanda júr. Fılıppındik bloger Silk Way Star jobasyna qatysyp jatqan malaızııalyq ánshi ıAzmın Azızdi qoldaýǵa kelgen, dep habarlaıdy Jibek Joly telearnasy.
Saımon Haver (Simon Javier) qazaq halqynyń qonaqjaı, darhandyǵyna tánti bolǵanyn aıtady. Tanymal tıktoker ulttyq taǵamdarymyzdan dám tatyp, et pen qurtqa qumartyp qalypty.
@simonjosephjavier Ask us any questions in the comments below 😍
♬ original sound - Song Lyrics
— Silk Way Star mýzyka arqyly álemdi birlikke shaqyratyn alań. Sondyqtan bolashaqta Fılıppın eliniń de qatysqanyn qalaımyn, — dedi tıktok juldyzy.
Bloger ánshi ıAzmın Azızge qoldaý kórsetý úshin 15 saǵat jol júrip kelgenin aıtty.
@simonjosephjavier SHE DID IT AGAIN 😍🏆 1ST PLACE OVERALL WINNER FOR EPISODE 2 ON SILK WAY STAR ✨ I’m so happy I was there to support you in Kazakhstan. I’ll always give you the biggest support 🥰 We are so proud of you baby @Yazmin Aziz ♬ original sound - Simon Says Vlog 🔥
— Men ıAzmındi maqtan tutamyn. Sebebi Malaızııa elin úlken jobada tanystyrý — úlken mártebe. Ol mindetti túrde eliniń artqan senimin aqtaıdy. Bizdiń qarym-qatynasymyz qashyqtyqta, ol óz elinde, al men Fılıppınde. Biraq osy joba bizdi de jaqyndata tústi. Súıiktimdi qoldaý úshin Fılıppınnen Malaızııaǵa, odan Qazaqstanǵa ushyp kelim, 15 saǵat jol júrdim. Bolashaqta jobaǵa Fılıppın eliniń de qatysqanyn qalaımyn. Congratulations Silk Way Star! Amazing! — dedi Haver.
Aıta keteıik, aldymyzdaǵy demalys kúnderi Silk Way Star megajobasynyń ekinshi aınalymy ótti. Azııanyń 12 qurlyǵynan kelgen talanttar álemdik hıtterdi shyrqady. Bul joly tóreshiler Qazaqstan atynan shyqqan Álem men Armenııadan kelgen Saro Gevorgıannyń ónerin joǵary baǵalady. Al eki kezeń qorytyndysy boıynsha malaızııalyq ánshi ıAzmın Azız eń kóp upaı jınap, kósh bastady. Jobamen Ázerbaıjan eliniń namysyn qorǵaǵan Sabına Zade qoshtasty.