Silk Way Star jobasy mádenı baılanysty nyǵaıtady – Rýhııa Baıdúkenova
ASTANA. KAZINFORM — Rýhııa Baıdúkenova bıyl Qytaıda ótetin halyqaralyq Silk Way Star jobasynda Qazaqstannyń atynan óner kórsetý ol úshin úlken mártebe ekenin atap ótti.
Onyń aıtýynsha, jobany Qazaqstan Respýblıkasy Prezıdenti Teleradıokesheni men China Media Group birlesip uıymdastyrýy Qazaqstan men Qytaı arasyndaǵy mádenı jáne aqparattyq baılanystyń mańyzyn kórsetedi.
— Silk Way Star — álemniń túkpir-túkpirinen kelgen talantty ónerpazdardy biriktiretin, halyqtar arasyndaǵy dostyqty, mádenı baılanys pen ózara túsinistikti nyǵaıtatyn erekshe halyqaralyq joba. Bul jobanyń Qazaqstan men Qytaıdyń birlesken bastamasy retinde júzege asyrylyp jatqany mádenı yntymaqtastyqtyń jarqyn kórinisi dep bilemin. Osy jobaǵa qatysý men úshin úlken jaýapkershilik ári Qazaqstannyń mádenıeti men ónerin halyqaralyq sahnada laıyqty tanystyrýǵa berilgen múmkindik dep bilemin, — dep jazdy Rýhııa áleýmettik jelidegi paraqshasynda.
Aıta ketelik Roza Rymbaeva Qytaıda baq synaıtyn Rýhııa Baıdúkenovaǵa sáttilik tiledi. Eske salsaq Astanada QR Prezıdentiniń Teleradıokesheni men Qytaı Medıa korporatsııasy (CMG) «Silk Way Star» halyqaralyq jobasy týraly kelisimge qol qoıǵan edi.
Aıta keteıik, ótken jyldyń qarashasynda «Silk Way Star» halyqaralyq jobasynyń grand-fınaly máresine jetip, jobanyń jeńimpazy Mıshel Djozef (Mońǵolııa) bolǵan edi. Toqaev mońǵol ánshisiniń Silk Way Star konkýrsynda kórermenniń yqylasyna bólengenin aıtty.
