Silk Way Star – saltanatty jerebe tartý rásimi ótti
ASTANA. KAZINFORM – «Silk Way Star» shoýynyń saltanatty jerebe tartý rásimi aıaqtalyp, grand fınalǵa qatysýshylar anyqtaldy.
Tizim reti mynadaı:
- ıAzmın Azız
- Avtandıl Abeslamıdze
- Chjan He Sýan
- Saro Gevorgıan
- Mıshel Djozef
- Madınaboný Adylova
- ALEM
– Bul jerde eń bastysy – birlik jáne dostyq. Bul megajobaǵa qatysqanymyzǵa qýanyshtymyz. Men úshin kim jeńse de mańyzdy emes. Biraq sizder bizdiń taǵdyrymyzdy sheshesizder, sondyqtan óz jeńimpazdaryńyzdy tańdańyzdar. Mindetti túrde erinbeı daýys berýdi suraımyn, – dedi ALEM.
Aıta keteıik, alǵashqy kezeńde sahnany ashqan ALEM erteńgi fınalda sońǵy bolyp shyǵýy josparlanǵan.
– Qoldap, qarap júrgenderińizge rahmet. Biz Qazaqstan halqynyń jyly qabyldaýyn sezip otyrmyz. Bul shoý aıaqtalyp jatqany ókinishti, biraq alda áli kóptegen qyzyqty jobalar bar, biz áli kóptegen baıqaýlarǵa qatysamyz, – dep Madınaboný Adylova kórermenderge alǵysyn bildirdi.
Aıta keteıik, Silk Way Star jobasynyń Armenııadan kelgen fınalısi daralyǵy men turaqty tabysyn kórsetkenin jazdyq.