Silk Way Star mýzykalyq jobasynyń qatysýshylary marapattaldy

ASTANA. KAZINFORM — Memleket basshysynyń atynan halyqaralyq Silk Way Star mýzykalyq jobasynyń qatysýshylary marapattaldy. Bul týraly Aqordanyń baspasóz qyzmeti habarlady. 

Memlekettik keńesshi Erlan Qarın Prezıdent Qasym-Jomart Toqaevtyń atynan halyqaralyq Silk Way Star mýzykalyq jobasynyń qatysýshylary men uıymdastyrýshylaryn marapattady.

Mýzyka ónerindegi jarqyn jetistikteri men halyqtar dostyǵyn nyǵaıtýǵa qosqan úlesi úshin Silk Way Star jobasynyń jeńimpazy Mıshel Djozef (Mońǵolııa) ІІ dárejeli «Dostyq» ordenimen marapattaldy. Sondaı-aq birqatar qatysýshy men uıymdastyrýshy Prezıdenttiń Alǵys hatyna ıe boldy.

Erlan Qarın jobanyń basty uıymdastyrýshylary — Qazaqstan Respýblıkasy Prezıdentiniń teleradıo keshenine jáne Qytaıdyń China Media Group (CMG) medıakorporatsııasyna rızashylyq bildirdi.

Memlekettik keńesshi Silk Way Star mýzykalyq konkýrsy halyqaralyq joba ǵana emes, halyqtar arasyndaǵy shynaıy dostyq pen naǵyz shyǵarmashylyq alańyna aınalǵanyn atap ótti. 

Aıta ketelik Silk Way Star jobasynyń jeńimpazy ánshi Alem-men dýet oryndaǵysy keletinin aıtqan edi.